పరిశోధనాసక్తి మీకుందా? పిలుస్తోంది... సీఎంఐ!

 పరిశోధనాసక్తి మీకుందా? పిలుస్తోంది... సీఎంఐ!

నిర్దిష్ట కోర్పుకు ప్రత్యేకించి ప్రామాణికంగా ప్రసిద్ధి చెందిన సంస్థలెన్నో దేశంలో ఉన్నాయి. అలాంటి వాటిలో చెన్నై మ్యాథమెటికల్ ఇన్స్టి ట్యూట్ (సీఎంఐ) ఒకటి. ఇక్కడ మ్యాథ్స్, ఫిజిక్స్, కంప్యూటర్ సైన్స్ ల్లో బీఎస్సీ, ఎమ్మెస్సీ, పీహెచ్ఎలతోపాటు ఎమ్మెస్సీ డేటా సైన్స అందిస్తున్నారు. ఈ కోర్సుల్లో ప్రవేశానికి దరఖా స్తులు ఆహ్వానిస్తున్నారు. పరీక్షతో సీటు లభి స్తుంది. ప్రతిభావంతులకు స్టైపెండ్, పేద విద్యార్థులకు ఫీజు రాయితీ దక్కుతాయి.

మ్యాథమెటిక్స్, ఫిజిక్స్, కంప్యూటర్ సైన్స్, డేటా సైన్స్ కోర్సుల్లో చేరాలనుకున్నవారు, పరిశోధనల దిశగా అడుగులేయాలనుకున్నవారు సీఎంఐలో చద వడానికి అధిక ప్రాధాన్యం ఇవ్వొచ్చు. ఇక్కడ బోధన ప్రమాణాలు, పరిశోధన వనరులు మెరుగ్గా ఉంటాయి. దేశంలో ప్రసిద్ధ సంస్థలతోపాటు విదేశీ నిపుణులూ సీఎంఐ విద్యార్థులకు బోధిస్తారు. ప్రముఖ కార్పొరేట్ సంస్థలతోపాటు కేంద్రానికి చెందిన డిపార్ట్మెంట్ ఆఫ్ అటామిక్ ఎనర్జీ, డిపార్ట్ మెంట్ ఆఫ్ సైన్స్ అండ్ టెక్నాలజీ ఈ సంస్థకు నిధులు అందిస్తున్నాయి. యూనివర్సిటీ హోదానూ పొందింది. కార్పొరేట్ సంస్థలు అధిక వేతనంతో ఈ సంస్థలో చదివినవారిని తీసుకుంటున్నాయి. అన్ని కోర్సులూ రెసిడెన్షియల్ విధానంలో అందిస్తున్నారు.

విద్యార్థుల ఆర్థిక నేపథ్యం బట్టి అన్ని కోర్సుల్లోనూ పూర్తిగా లేదా పాక్షికంగా ఫీజు మినహాయింపు లభి స్తుంది. అలాగే ప్రతిభావంతులకు యూజీ కోర్సులకు ప్రతి నెలా రూ.5000. ఫెలోషిప్ చెల్లిస్తారు. ఎమ్మెస్సీ కోర్సులైతే రూ.6000 అందిస్తారు. పీహెచ్ఎలకు మొదటి రెండేళ్లూ నెలకు రూ.37,000 తర్వాత మూడేళ్లు రూ.42,000 చెల్లిస్తారు. పీహెచ్ఎలో చేరి, ప్రాంగణంలో వసతి సౌకర్యం పొందనివారు స్టైపెండ్లో 27 శాతం హెచ్ఎస్ఏ అందుకోవచ్చు. వీరికి ఏటా బుక్ గ్రాంట్ రూ. పదివేలు ఇస్తారు. ప్రవేశ మార్గం: అన్ని కోర్సుల్లోనూ పరీక్షలో ప్రతిభతో ప్రవేశం కల్పిస్తారు. నేషనల్ ఒలింపియాడ్ లో ప్రతిభచూపినవారికి నేరుగా యూజీ కోర్సుల్లో ప్రవేశాలకు అవకాశం ఉంటుంది. పీజీ, పీహెచ్ఎలకు పరీక్షలతో పాటు ఇంటర్వ్యూలూ ఉంటాయి. ఫిజిక్స్లో పీహెచ్ డీకి పరీక్ష నిర్వహించరు. జాయింట్ ఎంట్రన్స్ స్క్రీనింగ్ టెస్ట్ (జెస్ట్) స్కోరుతో నేరుగా ఇంటర్వ్యూకి అవకాశం కల్పిస్తారు. అలాగే మ్యాథ్స్ పీహెచ్ఎ చేయాలనుకున్నవారు నేషనల్ బోర్డు ఫర్ హయ్యర్ మ్యాథమెటిక్స్ (ఎన్బీహెచ్ఎం) ఫెలోషిప్పునకు ఎంపికైతే పరీక్ష రాయకుండా నేరుగా ఇంటర్వ్యూకు హాజరు కావచ్చు. ఇదే మాదిరిగా జస్ట్లో కంప్యూటర్ సైన్స్లో రిసెర్చ్ అర్హత పొందినవారు సైతం నేరుగా ఇంటర్వ్యూతో ప్రవేశం పొందవచ్చు. కోర్సుల వారీ సిలబస్, పాత ప్రశ్నపత్రాలు, సొల్యూషన్లు సీఎంఐ వెబ్సైట్లో ఉంచారు.

ఏ కోర్సు? ఏ అర్హత?

• బీఎస్సీ ఆనర్స్: మ్యాథ్స్ అండ్ కంప్యూటర్ సైన్స్; మ్యాథ్స్ అండ్ ఫిజిక్స్

అర్హత: ఇంటర్ ఉత్తీర్ణులు, ద్వితీయ సంవత్సరం పరీక్షలు రాసినవారు దరఖాస్తు చేసుకోవచ్చు.

• ఎమ్మెస్సీ: మ్యాథ్స్, కంప్యూటర్ సైన్స్, డేటా సైన్స్ 

అర్హత: డిగ్రీలో మ్యాథ్స్ లేదా బీస్టాట్ లేదా బీటెక్ చదువుకున్నవారు ఎమ్మెస్సీ మ్యాథ్స్ కు అర్హులు.

కంప్యూటర్ సైన్స్ నేపథ్యంతో బీఎస్సీ, బీటెక్ కోర్సులు చదివినవారు ఎమ్మెస్సీ కంప్యూటర్ సైన్స్కు దరఖాస్తు చేసుకోవచ్చు. మ్యాథ్స్, స్టాటిస్టిక్స్ లేదా కంప్యూటర్ సైన్స్తో యూజీ కోర్సులు చదివినవారు ఎమ్మెస్సీ డేటా సైన్స్కు అర్హులు. సంబంధిత సబ్జెక్టుల్లో చివరి ఏడాది కోర్సులు చదువుతోన్న విద్యార్థులూ అర్హులే.

• పీ హెచ్ డి: మ్యాథ్స్, కంప్యూటర్ సైన్స్, ఫిజిక్స్

అర్హత: సంబంధిత విభాగాల్లో పీజీ ఉత్తీర్ణులు, చివరి ఏడాది కోర్సులు చదువుతున్నవారు దరఖాస్తు చేసుకోవచ్చు.

పరీక్ష ఇలా...

బీఎస్సీలోని రెండు కోర్సులకూ ఉమ్మడి పరీక్ష వంద పాయింట్లకు నిర్వహిస్తారు. ఇందులో 2 విభా గాలుంటాయి. ఆబ్జెక్టివ్, డిస్క్రిప్టివ్ తరహా ప్రశ్నలు వస్తాయి. పార్ట్ ఏ 40, పార్ట్ బీ 60 పాయింట్లు. పరీక్ష వ్యవధి 3 గంటలు. పార్ట్ ఏ స్క్రీనింగ్. ఇందులో కనీస పాయింట్లు సాధిస్తే పార్ట్ బీ మూల్యాంకనం చేస్తారు. తుది ఎంపిక రెండు విభా గాల్లో సాధించిన పాయింట్లతో ఉంటుంది. పార్ట్ ఏలో 10 ప్రశ్నలు వస్తాయి. ఒక్కో దానికి 4 పాయింట్లు. పార్ట్ బీలో 6 ప్రశ్నలు ఉంటాయి. వీటికి 60 పాయింట్లు. ప్రశ్నలన్నీ ఇంటర్ మ్యాథ్స్ ఆల్జీబ్రా, జామెట్రీ, ట్రిగనోమెట్రీ, కాలిక్యులస్ విభా గాల నుంచి అడుగుతారు.

ఎమ్మెస్సీ, పీహెచ్ఎ పరీక్షల్లోనూ రెండు విభాగాల్లో ప్రశ్నలు వస్తాయి. పార్ట్-ఏలో కనీస మార్కులు సాధిస్తేనే పార్ట్-బీ మూల్యాంకనం చేస్తారు. రెండు విభాగాల్లో సాధించిన మార్కులతో ప్రవేశం కల్పి స్తారు. ప్రశ్నలన్నీ సంబంధిత సబ్జెక్టుల్లో యూజీ పాఠ్యాంశాల నుంచి వస్తాయి. ఎమ్మెస్సీ డేటా సైన్స్ ప్రశ్నలు మ్యాథ్స్, స్టాటిస్టిక్స్, కంప్యూటర్ సైన్స్ నుంచి అడుగుతారు.

ఆన్లైన్ దరఖాస్తుకు చివరి తేదీ: ఏప్రిల్ 15 

దరఖాస్తు ఫీజు: రూ.వెయ్యి. రెండు కోర్సులకు రూ.1200, పరీక్ష తేదీ: మే 24

వెబ్ సైట్: www.cmi.ac.in/admissions/